Янгиликлар

Экоҳаракат конференцияси

Навоий шаҳридаги "Ёшлар маркази"да Ўзбекистон Эколо­гик ҳаракати вилоят ҳудудий бўлинмасининг конферен­цияси бўлиб ўтди. Тадбир Ўзбекистон Республикаси Олий Мажлиси Қонунчилик палатаси депутатлигига номзодлар кўрсатиш бўйича Экоҳаракат конференциясига делегатлар сайлаш масаласига бағишланди.

Таъкидлаш жоизки, 2008 йил 25 декабрда қабул қилинган "Сайлов тўғриси­даги қонун ҳуж­жатлари такомиллаш­тирили­ши му­но­са­бати би­лан Ўзбе­кис­тон Респуб­ликасининг айрим қонун­ларига ўзгар­тиш ва қў­шим­чалар кири­тиш ҳа­қида"ги Ўзбекистон Рес­пуб­ли­ка­си Қону­нига кўра, ўн бешта депутатлик ўрни ўз сафига кенг жа­моатчи­ликни, мутахассис­лар, олимлар, шунингдек, шу соҳада фаолият кўрсатаётган ННТлар­ни бир­лаш­тирган жамоат таш­ки­лоти — Экоҳаракатга ажра­тилди. Шу тариқа 2009 йил 27 декабрда Олий Мажлис Қонун­чилик пала­та­сига бўлиб ўтган сайловда Экоҳара­катдан сайлан­ган 15 на­фар де­путат парламент­да ўз фаолиятини бошлади. Ўзбе­кис­тон Экологик ҳа­ракати учун де­пу­татлар ўрин­ларини квоталаш институти жорий этилгани жамият ҳаётида муҳим бўлган ат­роф-муҳитни муҳофа­за қилиш, экологик муам­молар­ни бар­та­раф этиш маса­ла­ла­ри­ни ечиш­да парла­ментнинг ролини оши­ришда муҳим аҳа­мият касб эт­моқда.

Ўтган давр мобайнида айнан Экоҳаракат депутатлари гуруҳи ташаббуси билан 5 та янги қо­нун қабул қилинди. Айниқса, "Экологик назорат тўғриси­да"­ги Қонун атроф-муҳитни муҳо­фа­за қилиш борасида нодав­лат-нотижорат ташкилотлари­нинг ўрни ва ролини аниқ бел­гилаб берувчи, экологик назо­рат­ни таш­кил этиш ва уни амал­га оширишни тартибга солув­чи ях­лит меъёрий ҳужжат экан­лиги билан эъти­рофга моликдир.

Айни пайтда Экоҳа­ра­кат де­путатлари гуруҳи томонидан "Ўсимлик дунёсини муҳофаза қи­лиш ва ундан фойда­ла­ниш тўғрисида"ги, "Ҳай­вонот дунё­си­ни муҳо­фаза қи­лиш ва ундан фойдала­ниш тўғриси­да"ги, "Чи­қиндилар тўғ­рисида"ги ва бошқа, жа­ми 9 та қонун лойи­ҳаси ҳам­да экология соҳаси­даги иккита халқаро конвенция­га Ўзбекис­тоннинг қўшилиши бўйича таклифлар ишлаб чи­қиш бора­сида иш олиб борил­аяпти.

Анжуманда Низом талабла­ридан келиб чиқиб, Ўзбекистон Экологик ҳаракати республика конференциясига 25 нафар делегат муқобиллик асосида, яширин овоз бериш йўли би­лан сайланди.