Bog'lanish

Telefon
79-220-79-22

Elektron manzil
navoiy@adliya.uz

Habarni yuborish
Ishonch telefoni 1008

Янгиликлар

30

Ўзбекистон Республикаси Адлия вазирлиги вазирликлар, давлат қўмиталари ва идоралар томонидан қабул қилинган норматив-ҳуқуқий ҳужжатларни давлат рўйхатидан ўтказиш ҳолати тўғрисида 2015 йил 23 мартдан 27 мартгача бўлган маълумотни маълум қилади

I. Давлат рўйхатидан ўтказилди:

1. Ўзбекистон стандартлаштириш, метрология ва сертификатлаштириш агентлиги, Ўзбекистон Республикаси Вазирлар Маҳкамаси ҳузуридаги Ўзбекистон нефть маҳсулотлари ва газдан фойдаланишни назорат қилиш давлат инспекциясининг 2015 йил 12 мартдаги к-3, к-3-сонли «Газни ҳисобга олиш приборларини текширувдан ўтказиш тартиби тўғрисидаги низомнинг 22-бандига ўзгартириш киритиш ҳақида»ги қарори.

2015 йил 23 мартда рўйхатдан ўтказилди, рўйхат рақами 2604-1 (2015 йил 30 мартдан кучга кирди).

2. Ўзбекистон Республикаси Табиатни муҳофаза қилиш давлат қўмитасининг 2015 йил 17 мартдаги 4-сон «Ўсимлик дунёси объектларидан махсус фойдаланиш тўғрисидаги рухсатнома бланкалари намуналарини ҳамда Давлат ўрмон фондига кирмайдиган дарахтлар ва буталарни кесиш, шунингдек давлат ўрмон фонди ерларига кирмайдиган захира ерларида пичан ўриш ва чорва молларини ўтлатиш учун бериладиган рухсатномалар бланкаларини тўлдириш ва ҳисобини юритиш тартиби тўғрисида йўриқномани тасдиқлаш ҳақида»ги буйруқни ўз кучини йўқотган деб топиш тўғрисида»ги қарори.

2015 йил 23 мартда рўйхатдан ўтказилди, рўйхат рақами 1686-1 (2015 йил 30 мартдан кучга кирди).

3. Ўзбекистон Республикаси Молия вазирлиги, Ахборот технологиялари ва коммуникацияларини ривожлантириш вазирлигиниг 2015 йил 16 мартдаги 23, 99-мҳ-сонли «O’ZBEKISTON POCНTASI» АJнинг почта алоқасининг минтақавий (вилоят) ташкилотлари ва почта алоқаси объектлари орқали пенсиялар, нафақалар ва бошқа тўловларни тўлашни ташкил этиш тўғрисидаги йўриқномага ўзгартиришлар киритиш ҳақида»ги қарори.

2015 йил 24 мартда рўйхатдан ўтказилди, рўйхат рақами 2394-2 (2015 йил 30 мартдан кучга кирди).

4. Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Молия вазирлигининг 2015 йил 9 мартдаги 6-қ/қ, 22-сонли «Ногиронлар ва кексаларни бепул санатория-курорт йўлланмалари билан таъминлаш тартиби тўғрисидаги йўриқномага ўзгартиришлар ва қўшимча киритиш ҳақида»ги қарори.

2015 йил 25 мартда рўйхатдан ўтказилди, рўйхат рақами 2356-1 (2015 йил 30 мартдан кучга кирди).

5. Ўзбекистон Республикаси Марказий банки Бошқарувининг 2015 йил 14 мартдаги 6/6-сонли «Микрокредит ташкилотлари фаолиятини лицензиялаш тартиби тўғрисидаги низомга ўзгартиришлар ва қўшимча киритиш ҳақида»ги қарори.

2015 йил 25 мартда рўйхатдан ўтказилди, рўйхат рақами 2093-5 (2015 йил 30 мартдан кучга кирди).

6. Ўзбекистон Республикаси Марказий банки Бошқарувининг 2015 йил 14 мартдаги 6/7-сонли «Ломбардлар фаолиятини лицензиялаш тартиби тўғрисидаги низомга ўзгартиришлар киритиш ҳақида»ги қарори.

2015 йил 25 мартда рўйхатдан ўтказилди, рўйхат рақами 1291-4 (2015 йил 30 мартдан кучга кирди).

7. Ўзбекистон стандартлаштириш, метрология ва сертификатлаштириш агентлиги бош директорининг 2015 йил 3 мартдаги 88-сонли «Маҳсулотларни сертификатлаш қоидаларига ўзгартиришлар киритиш тўғрисида»ги буйруғи.

2015 йил 27 мартда рўйхатдан ўтказилди, рўйхат рақами 1458-1 (2015 йил 30 мартдан кучга кирди).

8. Ўзбекистон стандартлаштириш, метрология ва сертификатлаштириш агентлиги бош директорининг 2015 йил 3 мартдаги 87-сонли «Сертификатлаштирилган маҳсулотлар ва хизматларни инспекция назоратидан ўтказиш қоидаларининг 1-бандига ўзгартириш киритиш тўғрисида»ги буйруғи.

2015 йил 27 мартда рўйхатдан ўтказилди, рўйхат рақами 1464-1 (2015 йил 30 мартдан кучга кирди).

9. Ўзбекистон стандартлаштириш, метрология ва сертификатлаштириш агентлиги бош директорининг 2015 йил 3 мартдаги 86-сонли «Маҳсулотнинг хавфсизлик талабларига мувофиқлигини декларациялаш тартиби тўғрисидаги низомга ўзгартиришлар киритиш ҳақида»ги буйруғи.

2015 йил 27 мартда рўйхатдан ўтказилди, рўйхат рақами 1465-1 (2015 йил 30 мартдан кучга кирди).

10. Ўзбекистон стандартлаштириш, метрология ва сертификатлаштириш агентлиги бош директорининг 2015 йил 3 мартдаги 89-сонли «Мажбурий тартибда сертификатланадиган бир турдаги маҳсулотларнинг алоҳида турларини сертификатлаш қоидаларини тасдиқлаш тўғрисида»ги буйруққа ўзгартиришлар киритиш ҳақида»ги буйруғи.

2015 йил 27 мартда рўйхатдан ўтказилди, рўйхат рақами 1513-2 (2015 йил 30 мартдан кучга кирди).

11. Ўзбекистон стандартлаштириш, метрология ва сертификатлаштириш агентлиги бош директорининг 2015 йил 3 мартдаги 90-сонли «Бир турдаги маҳсулотларни сертификатлаштириш органлари, синов (ўлчаш) лабораториялари (марказлари), сертификатлаштириш соҳасидаги текширув органлари, метрология хизматлари ва сифат бўйича эксперт-аудиторларини аккредитация қилиш қоидаларини тасдиқлаш тўғрисида»ги буйруққа ўзгартиришлар киритиш ҳақида»ги буйруғи.

2015 йил 27 мартда рўйхатдан ўтказилди, рўйхат рақами 1596-3 (2015 йил 30 мартдан кучга кирди).

II. Давлат реестридан чиқарилди:

1. Ўзбекистон Республикаси Табиатни муҳофаза қилиш давлат қўмитаси раисининг «Ўсимлик дунёси объектларидан махсус фойдаланиш тўғрисидаги рухсатнома бланкалари намуналарини ҳамда Давлат ўрмон фондига кирмайдиган дарахтлар ва буталарни кесиш, шунингдек давлат ўрмон фонди ерларига кирмайдиган захира ерларида пичан ўриш ва чорва молларини ўтлатиш учун бериладиган рухсатномалар бланкаларини тўлдириш ва ҳисобини юритиш тартиби тўғрисида йўриқномани тасдиқлаш ҳақида»ги буйруғи (рўйхат рақами 1686, 2007 йил 4 июнь).

Адлия вазирининг 2015 йил 23 мартдаги 82-мҳ-сонли буйруғи билан давлат реестридан чиқарилди.

Мазкур ҳужжат қонунчиликка ўзгартириш киритилиши ва/ёки янги норматив-ҳуқуқий ҳужжат қабул қилиниши муносабати билан давлат реестридан чиқарилди.