Янгиликлар
Сиз қонунни биласизми?
Ўзбекистон “Камолот” ёшлар ижтимоий ҳаракати Навоий вилоят ва Хатирчи туман кенгаши, Хатирчи туман маданият ва спорт ишлари бўлими, Маънавият тарғибот маркази Хатирчи туман бўлими билан ҳамкорликда ёшларнинг мамлакат миқёсидаги сиёсий жараёнларга мустақил ва онгли муносабатини шакллантириш, мамлакатни модернизация қилиш борасида амалга оширилаётган сиёсий ислоҳотларнинг мазмун-моҳиятини ёшларга сингдириш, Ўзбекистон Республикаси Конституцияси ва қонунларига ҳурмат ҳиссида тарбиялаш, ҳуқуқий онги ҳамда маданиятини юксалтириш мақсадида ўрта махсус, касб-ҳунар таълими тизимидаги таълим муассасаларида таҳсил олаётган ўқувчилар ўртасида анъанавий тарзда ўтказилиб келинаётган "Сиз қонунни биласизми?" кўрик-танловининг Хатирчи туман босқичи ўтказилди
Мазкур танловда тумандаги 9 та ўрта махсус касб-ҳунар коллежлари жамоалари 4 та шарт бўйича ғолиблик учун беллашдилар.
Танловни Адлия бошқармаси, “Камолот” ЁИҲ Навоий вилоят кенгаши, Маънавият тарғибот маркази Хатирчи туман кенгаши ходимларидан иборат таркибдаги “ҳакамлар ҳайъати” одилона баҳолаб бордилар.
Тадбир якунида "Камолот" ЁИҲ туман Кенгаши ва ҳамкор ташкилотлар томонидан танлов ғолибларига диплом, фахрий ёрлиқ ва эсталик совғалари топширилди.