Янгиликлар
Текширишлар - онлайн тартибида
Навоий вилоят Адлия бошқармаси томонидан Текширишларни рўйхатга олиш китобининг электрон шаклини юритиш, уни тўлдириш тартибларини вилоятда фаолият кўрсатаётган тадбиркорлик субъектларига тушунтиришга бағишланган семинар ўтказилди. 
Унда сўзга чиққанлар Текширишларни рўйхатга олиш китобининг электрон шаклини юритиш, уни тўлдириш тартибларини тадбиркорлик субъектларига батафсил тушунтириб ўтдилар.
Таъкидланганидек, Текширишларни рўйхатга олиш китобининг юритилишидан мақсад текширувчи органлар фаолиятида қонунийлик, холислик ва ошкораликни таъминлаш, юридик ва жисмоний шахсларнинг ҳуқуқлари ва қонуний манфаатларини ҳимоя қилиш ҳамда хўжалик юритувчи субъектларнинг фаолиятига ноқонуний равишда аралашувларга чек қўйишдан иборат.
Таъкидланган низомнинг 51-бандида белгиланганидек, техник имконият мавжуд бўлганда мажбурий тартибда текширишларни рўйхатга олиш китобининг электрон шакли тўлдирилиши, 
бунда текширишларни рўйхатга олиш китобининг қоғоз шаклини тўлдириш талаб этилмаслиги, текширишларни рўйхатга олиш китобининг электрон шакли бевосита хўжалик юритувчи субъектда тўлдирилиши ҳамда текширишларни рўйхатга олиш китобининг электрон шаклига кириш etk.minjust.uz сайти орқали амалга оширилиши тўғрисида тушунчалар бериб ўтилди.
Бундан ташқари, вилоятда фаолият юритаётган енгил саноат маҳсулотлари ишлаб чиқарувчи тадбиркорлик субъектлари, шу жумладан хорижий корхоналардаги мавжуд муаммолар ўрганилди.
Ўқув машғулоти сўнггида иштирокчиларни қизиқтирган барча саволларга мутахассислар томонидан жавоблар берилди.