Янгиликлар
Ижро интизоми - муваффақият гарови
Навоий вилоят адлия бошқармасида Ўзбекистон Республикаси Адлия вазирлиги ва суд Департаменти масъул ходимлари томонидан вилоят адлия бошқармаси, департаментнинг вилоят ҳудудий бошқармаси ходимлари иштирокида “Адлия органларида ва муассасаларида ижро интизомини мустаҳкамлаш, ҳужжатлар билан ишлаш, ижро назоратини ташкил этиш ҳамда ижро интизомининг аҳволи мониторингини олиб бориш масалалари” мавзусида семинар ўтказилди.
Тадбирда адлия вазирлиги томонидан адлия органларида иш юритиш ва ҳужжатлар, шу жумладан фуқароларнинг (жисмоний ва юридик шахсларнинг) мурожаатлари ижросини назорат қилишни ташкил этиш аҳволи юзасидан ўтказилган ўрганишлар ва мониторинглар натижасида аниқланган хато ва камчиликлар, уларни бартараф этиш ҳамда келгусида такрорланишининг олдини олиш бўйича амалга оширилиши лозим бўлган чора-тадбирлар муҳокама этилди.
Семинарда вазирлик томонидан адлия органлари ва муассасаларининг ҳар ой якуни бўйича ижро интизоми мониторингини ташкил этиш бўйича тақдим этган маълумотлари кўриб чиқилиши таҳлил қилиниб, умумлаштириб келинаётганлигига алоҳида эътибор қаратилди.
Адлия органлари ва муассасалари томонидан мазкур йўналишда амалга оширилган ишларнинг таҳлили, Ўзбекистон Республикаси қонунлари, Ўзбекистон Республикаси Президенти ва Ҳукуматининг норматив-ҳуқуқий ҳужжатларининг ижроси, Адлия идораларида ижро интизомини мустаҳкамлаш, ижро интизоми аҳволи мониторинги бўйича тақдим этилган ҳисоботларни тўғри юритишни ташкил этиш, ижро интизомини ўз вақтида ва тизимли мониторинг ва назорат қилиб бориш, келгусида хато ва камчиликларга йўл қўймаслик масалалари юзасидан амалий мисоллар асосида ва кўргазмали слайдлар ёрдамида тушунтириб ўтилди.
Семинар якунида иштирокчи ходимлар амалиётда учраб тураётган айрим муаммолар, жумладан ижро интизоми билан боғлиқ бўлган масалалар, ҳисоботларни юритилишидаги мавжуд муаммолар юзасидан ўзларини қизиқтирган барча саволларга жавоблар олиб, мутахассис фикрини эшитдилар.