Янгиликлар

СЎРАГАН ЭДИНГИЗ...

Мен ишлаб чиқариш корхоналаридан бирида ҳайдовчи бўлиб ишлайман.Ишим чангда, совуқ кунлари захда ишлашга тўғри келади.Эшитишимча бундай шароитда ишлайдиганлар учун имтиёзли шартда пенсияга чиқиш имкони бор экан.Шу бўйича маълумот берсангиз.

Саволга Хатирчи тумани адлия бўлими бошлиғи Шерзод Абдураҳмонов жавоб беради.

Жавоб: Қонунчиликда имтиёзли шартларда пенсияга чиқиш бўйича алоҳида тартиблар мавжуд.Бундай иш ўринлари шаҳодат кўригидан ўтказилган бўлиши керак.

Қуйидаги асосларда имтиёзли пенсиялар тайинланиши мумкин:

ёшидан қатъи назар пенсия олиш ҳуқуқини берадиган 1-сонли Рўйхат асосида;

ёшни 10 йилга қисқартирилган ҳола пенсия олиш ҳуқуқини берадиган 2-сонли Рўйхат асосида;

ёшни 5 йилга қисқартирилган ҳолда пенсия олиш ҳуқуқини берадиган 3-сонли Рўйхат асосида.

Имтиёзли шартларда пенсия олиш ҳуқуқига уруш ногиронлари, болаликдан ногиронлиги бўлган фарзандларнинг оналари, лилипутлар ва паканалар ҳам эга:

Уруш ногиронлари ва уларга тенглаштирилган шахсларнинг умумий белгиланган ёшни 5 йилга камайтирилиб пенсия тайинланади.

Ногиронлиги бўлган болаларни саккиз ёшгача тарбиялаган оналарга, иш стажлари 20 йил бўлганда, умумий белгиланган ёш 5 йилга қисқартирилиб пенсия тайинланади.

Ушбу имтиёз боқиб олинган болаларни 8 ёшгача тарбиялаган ва 20 йиллик иш стажи бўлганларга ҳам қўлланилади.

Тиббий хулоса асосида лилипутлар ва паканаларга эркакларнинг иш стажи 20 йил ва аёлларнинг иш стажи 15 йил бўлганида, умумий белгиланган ёш 15 йилга қисқартирилиб пенсия тайинланади.

Аёлларга имтиёзли пенсия эллик тўрт ёшга тўлиб, 20 йиллик иш стажига эга бўлганида тайинланади.

Асос: “Фуқароларнинг давлат пенсия таъминоти тўғрисида”ги Қонун.