Янгиликлар
Кармана туманидаги "Кумушкон" МФЙда навбатдаги сайёр қабул ўтказилди
Туман адлия бўлими томонидан 19 апрель куни туманнинг "Кумушкон" маҳалласида сайёр қабул ўтказилди. Қабулда аҳолининг ички йўлларни таъмирлаш, ичимлик суви ўтказиш, фуқароларнинг бандлигини таъминлаш, банк кредитлари ҳисобига тадбиркорликни амалга ошириш ва бошқа бир қанча масалалар юзасидан мурожаатлари тингланди.
Қабул карантин қоидаларига қатъий риоя қилган ҳолда ташкил этилди, шунингдек қабулда бўлим томонидан 14 та мурожаат иш юритувига қабул қилинди ҳамда 4 та мурожаат бўйича ҳуқуқий тушунтириш берилиб, мурожаатлар жойида ҳал этилди.
Хусусан "Кумушкон" МФЙда яшовчи бир гуруҳ фуқаролар жорий йил март ойида жамоат ишларига жалб этилганлиги, аммо бугунки кунга қадар иш ҳақларини ололмаётганликлари юзасидан мурожаат жойида ўрганилди ҳамда ушбу иш ҳақларини ундириш юзасидан амалий иш бошланди.
Шу билан биргаликда қабулда аҳоли учун янги қабул қилинган қонун хужжатлари юзасидан манзилли тарғибот тадбири ҳам ташкил этилди.
Саёйр қабуллар туман бўйлаб давом эттирилмоқда.