Янгиликлар
01
Adliya faoliyatidan
Navbahor tuman adliya boʼlimi tomonidan shahar hududidagi mahalla fuqarolar yigʼinlari xodimlariga ustama pullari toʼlanishi monitoring qilinganida ularga 2021 yilning yanvar, fevral va iyul oylari uchun ustama haqlari toʼlab berilmagani aniqlandi.
O`rganish davomida toʼlanmay qolgan umumiy mablagʼ miqdori 300 mln soʼmga yaqinni tashkil etishi maʼlum boʼlgan. Tuman adliya boʼlimi tomonidan fuqarolik ishlari boʼyicha Navbahor tumanlararo sudiga ariza kiritilgan hamda sud ustama pullarini undirib berilish yuzasidan qarori chiqargan.
Maʼlumot uchun, prezidentning PF-5938-sonli farmoniga asosan 2020 yil 1 iyuldan boshlab fuqarolarning oʼzini oʼzi boshqarish organlari xodimlarining lavozim maoshiga 30 foiz qoʼshimcha ustama toʼlash joriy etilgan.