Янгиликлар
27
Adliya faoliyatidan
Navoiy viloyat adliya organlari tomonidan nodavlat notijorat tashkilotlar hamkorligida yoshlar o‘rtasida huquqiy targ‘ibot tadbirlari o‘tkazilmoqda.Ana shunday tadbirlardan biri Navoiy shahridagi 16-umumta’lim maktabining yuqori sinf o‘quvchilari bilan “Ijtimoiy tarmoqlar: Istiqbol va xatar” mavzusida tashkil etildi.
Tadbirda adliya bosharmasi, Navoiy shahar adliya bo‘limi, IIB, DXX singari huquqni muhofaza qiluvchi organlar va “Sirdoshim” nodavlat notijorat tashkiloti vakillari ishtirok etishdi.
Muloqot avvalida “Kiberxavfsizlik to‘g‘risidagi” O‘zbekiston Respublikasi qonuni mazmun-mohiyati haqida ma’lumot berilib, bugungi kunda kiberxurujlar, kiberjinoyatchilik holati yuzasidan mulohazalar bildirildi.
Shundan so‘ng, yig‘ilganlarga chet el davlatlari harbiy xizmatiga yollanganlik uchun belgilangan javobgarlik to‘g‘risida tushuncha berib o‘tildi