Янгиликлар

Навоийнинг фахрий фуқаролари

Навоий шаҳри бу йил 55 ёшга тўлди. Ўтган йиллар давомида шаҳар ҳаётида кўплаб унутилмас воқеалар юз берди. Хусусан, Навоий шаҳар ҳокимининг 2006 йил 19 январдаги тегишли қарори билан "Навоий шаҳрининг фахрий фуқароси" унвони таъсис этилди.

Бугунги кунда ушбу унвонга сазовор бўлганлар со­ни 60 нафардан ошди. Улар орасида нафақат навоийликлар, балки чет эллик фан ва таълим на­мояндалари ҳам бор. Жумладан, Алишер Навоий ижодини ўрганиш борасида илмий изланишлар олиб борган, буюк бобомиз асарларини япон ти­лига таржима қилиб, Ўзбекистон ва Япония ўрта­сидаги адабий, маданий алоқаларни мустаҳкам­лаш­га муносиб ҳисса қўшган япониялик фай­ла­суф, профессор Дайсаку Икеда ҳам бор.

Шунингдек, "Навоий шаҳрининг фахрий фу­қа­роси" унвонига сазовор бўлганлар орасида фан док­торлари ва номзодлари, йирик саноат ва иш­лаб чиқариш корхоналари раҳбарлари, шаҳар иж­тимоий-сиёсий ҳаётида фаол иштирок этган турли касб эгалари бор.