Янгиликлар
16
Adliya vazirligi “Eng namunali vazirlik va idora” tanlovida sovrindor boʻldi
Adliya vazirligi “Eng namunali vazirlik va idora” tanlovida sovrindor boʻldi
Joriy yilning 15-dekabr kuni Respublika ma’naviyat va ma’rifat markazi tomonidan “Eng namunali tuman va shahar” hamda “Eng namunali vazirlik va idora” tanlovlari gʻoliblarini tantanali taqdirlash marosimi boʻlib oʻtdi.
Mazkur tanlov Davlatimiz rahbarining “Ma’naviy-ma’rifiy ishlar tizimini tubdan takomillashtirish chora-tadbirlari to‘g‘risida”gi Qaroriga asosan mamlakatimizda ma’naviy-ma’rifiy yo‘nalishdagi ishlarga munosib baho berish, bu borada eng namunali tuman-shaharlardagi idora hamda vazirliklarni rag‘batlantirish maqsadida o‘tkaziladi.
Tanlovda maʼnaviy-maʼrifiy ishlarni tizimli yo‘lga qo‘ygan, bu borada yuqori samaradorlikka erishgan hamda o‘z hududida ijtimoiy-maʼnaviy muhit barqarorligini taʼminlagan 40 ta vazirlik va idoralar ishtirok etdi.
Oʻz tizimida maʼnaviy-maʼrifiy ishlarni namunali tashkil etganligi uchun O‘zbekiston Respublikasi Adliya vazirligi ham faol ishtirok etib, ilg‘or vazirliklar safidan joy oldi.
Hamkasblarimizni qo‘lga kiritgan yana bir yutuqlari bilan chin ko‘ngildan muborakbod etamiz!