Янгиликлар
08
NAVOIYDA ZAMONAVIY KUTUBXONA QURILISHI BOSHLANDI
Ulug‘ shoir va mutafakkir nomi bilan ataladigan Navoiy viloyatida yashayotgan ilmga chanqoq, kitobsevar yoshlar va aholining yillar davomidagi orzusi ro‘yobga chiqadigan bo‘ldi.
Navoiy shahar 18-kichik tumani hududidan (Navoiy viloyati qo‘g‘irchoq teatri yonida) 4000 metr kvadrat yer maydoni ajratilib, “ZARAFSHON BEST BUILD” MCHJ tomonidan zamon talablariga to‘la javob beradigan A.Qodiriy nomidagi Navoiy viloyati Axborot-kutubxona markazi qurilishi ishlari boshlab yuborildi.
Ushbu zamonaviy kutubxonani qurish uchun viloyat hokimligi mahalliy budjetdan 16 milliard 135 million so‘m pul mablag‘i ajratdi.