Янгиликлар
Биз одам савдосига қаршимиз!
Одам савдоси инсон шаъни, қадр-қиммати, осойишта турмуши ҳамда келажагига таҳдид солиши, ўзининг чегара билмаслиги, гирдобига аёллар ва вояга етмаганларни тортиши билан хавфлидир.
Мазкур жиноятга қарши курашишда, унинг олдини олишда аҳоли ўртасида тарғибот, тушунтириш ишларини олиб бориш муҳим аҳамият касб этади. Шу боисдан, Учқудуқ туман халқ таълими муассасалари фаолиятини методик таъминлаш ва ташкил этиш бўлими томонидан ҳам бу борада муайян ишлар амалга оширилмоқда. Ўтказилган "Одам савдосига қарши курашиш — долзарб муаммо" мавзусидаги ҳафталикни бунга мисол сифатида келтириш мумкин.
Тумандаги барча таълим муассасаларида ўтказилган мазкур тадбирда "Одам савдоси — олам ғавғоси", "Одам савдоси — аср муаммоси" ва "Биз одам савдосига қаршимиз" мавзуларида иншолар танлови ҳамда спорт мусобақалари ташкил этилди.
Тадбирларнинг уюшқоқлик билан ўтказилишида туман ҳокимлиги, ички ишлар бўлими, ФҲДЁ бўлими, "Камолот" ЁИҲ туман Кенгаши ва маҳалла фаолларининг ҳамкорлиги муҳим аҳамият касб этди.