Янгиликлар
Қонун лойиҳаси муҳокамаси
Хусусийлаштириш, монополиядан чиқариш ва рақобатни ривожлантириш давлат қўмитаси вилоят ҳудудий бошқармасида бўлиб ўтган семинар "Тижорат сири тўғрисида"ги Қонун лойиҳаси муҳокамасига бағишланди.
Семинарда Олий Мажлис Қонунчилик палатаси депутати Фахриддин Солиев иштирок этиб, қонун лойиҳасининг мазмун-моҳияти, мақсади ҳақида гапирди.
— Бугун мамлакатимиз тараққиётида тадбиркорлик фаолиятининг ўрни мустаҳкамланиб бораётган экан, ушбу тарихий ҳужжатнинг қабул қилиниши давр тақозосидир, — деди жумладан Ф. Солиев. — Бундан кўзланган мақсад соғлом ишбилармонлик муҳитини яратиш, рақобатни ривожлантириш, тадбиркорлар учун молиявий, кадр ва ахборот ресурслари яратиш имкониятларини беришдир.
Семинарда иштирок этган бошқарма ходимлари, тадбиркорлик субъектлари, ОАВ вакиллари қонун лойиҳаси юзасидан ўзларининг таклиф ва фикрларини билдирдилар.