Янгиликлар
11
Qaror loyiha muhokamasi yuzasidan amaliy-seminar tashkil etildi
Navoiy viloyat adliya boshqarmasida xususiy amaliyot bilan shug‘ullanuvchi notariuslar ishtirokida seminar tashkil etildi.
Tadbirda O‘zbekiston Respublikasi Prezidentining “Notariat institutini yanada rivojlantirish hamda sohaga zamonaviy axborot-kommunikatsiya texnologiyalarini keng joriy etishga oid qo‘shimcha chora-tadbirlar to‘g‘risida” qarori loyihasida ko‘zda tutilgan asosiy yo‘nalishlar — notariat tizimini raqamlashtirish, xizmatlar sifatini oshirish, huquqiy yordamning ochiqligi va qulayligini ta’minlash kabi masalalar atroflicha muhokama qilindi.
Shuningdek, seminar ishtirokchilariga qarorning amaliy tatbiqi, kutilayotgan natijalar va bu boradagi yangi mexanizmlar yuzasidan batafsil tushuntirishlar berildi.