Янгиликлар
23
#Пайшанба_ёшлар_куни
Ўзбекистон Республикаси Президентининг 2026 йил 16 апрелда қабул қилинган “9 май – Хотира ва қадрлаш кунига тайёргарлик кўриш ва уни ўтказиш чора-тадбирлари тўғрисида”ги ПҚ-139-сонли қарори юртимизда тарихий хотирани асраш, аждодлар жасоратини улуғлаш ҳамда ёш авлодни ватанпарварлик руҳида тарбиялашга қаратилган муҳим ҳужжатлардан биридир. Мазкур қарор ижросини таъминлаш доирасида жойларда турли маънавий-маърифий тадбирлар ташкил этилмоқда.
????Шу муносабат билан Навбаҳор туманида иқтидорли ўқувчилар ўртасида “Бурч, жасорат, матонат” шиори остида иншолар танлови ташкил этилди. Ушбу танловнинг асосий мақсади — ёшларнинг қалбида Ватанга муҳаббат, миллий ғурур ва тарихий хотирага ҳурмат туйғуларини янада мустаҳкамлаш, уларни мустақил фикрлашга ундашдан иборат.
????Танловда иштирок этган ўқувчилар ўз иншоларида юртимиз тинчлиги ва осойишталиги йўлида жон фидо қилган аждодларимизнинг қаҳрамонлиги, бугунги кунда Ватан равнақи учун хизмат қилаётган инсонларнинг жасорати ҳақида самимий фикр-мулоҳазаларини баён этдилар. Айниқса, “бурч” тушунчасининг инсон ҳаётидаги ўрни, “жасорат” ва “матонат” каби юксак инсоний фазилатларнинг аҳамияти чуқур ёритилди.
⚪️Танлов жараёни адолатли ва шаффоф мезонлар асосида баҳоланиб, энг яхши ишлар саралаб олинди. Ғолиб ва фаол иштирокчилар муносиб рағбатлантирилди. Бу эса ўқувчиларни янада изланишга, ижод қилишга ва ўз устида ишлашга ундайди.
⚪️Бундай маънавий-маърифий тадбирлар ёш авлодни баркамол инсон этиб тарбиялашда, уларнинг қалбида Ватан тақдирига дахлдорлик ҳиссини шакллантиришда муҳим аҳамият касб этади. “Бурч, жасорат, матонат” шиори остида ўтказилган мазкур иншолар танлови ҳам ана шундай эзгу мақсадларга хизмат қилди.
⚪️Хулоса ўрнида айтиш мумкинки, Хотира ва қадрлаш куни муносабати билан ўтказилаётган бундай тадбирлар халқимизнинг бой тарихи ва буюк қадриятларини ёш авлодга етказиш, уларни ватанпарварлик руҳида тарбиялашда муҳим ўрин тутади.