Янгиликлар

Аёлларга эътибор

Навоий шаҳридаги "Матбуот уйи"да Президентимизнинг "Ўзбекистон Хотин-қизлар қўмитаси фаолиятини қўллаб-қувватлаш борасидаги қўшимча чора-тадбирлар тўғрисида"ги Фармонига бағишлаб тадбир ташкил этилди.

Унда вилоят ҳокими ўрин­бо­са­ри, ви­лоят хотин-қизлар қў­ми­таси раи­си Анора Бобому­ро­дова, шаҳар ва ту­­манлар хотин-қизлар қўмита­ла­ри раислари, "Оила" мар­кази раҳ­бар­лари, МФЙ маслаҳат­чи­лари ва ҳам­кор таш­килотлар ва­киллари иш­ти­рок этишди.

Тадбирда сўзга чиққанлар мам­ла­катимизда хотин-қиз­лар­ни қўл­лаб-қувватлашга кенг эътибор қаратилаётганини фахр билан эъти­­роф этди. Жумладан, юрти­миз­да ўтган 23 йил давомида аёл­ларни ҳимоя­лаш­га қаратилган 80 га яқин миллий ва халқаро ҳуж­жат­лар қабул қилингани, уларда аёлларнинг ҳу­қуқлари, манфаат­ла­ри ва эр­кинликлари мустаҳкам­ла­ниб, пар­ламентга бўладиган сай­­­лов­ларда депутатликка ном­зодлар кўрсатилиш жараёнида хотин-қизлар учун 30 фоизлик квота жорий этилгани алоҳида таъ­­­кидланди.

Шунингдек, оилаларнинг мус­таҳ­камлигида фарзандлар тар­бияси муҳимлиги, бунда ма­ҳал­ла, таълим муассасаси, оила ҳамкор­лиги ало­ҳида ўрин тутиши хусу­си­да мулоҳа­за­лар билдирилди. Ёш­ларга соғлом турмуш тарзини тар­ғиб этиш, улар­ни оммавий ма­­­даният таъсиридан ас­раш, эрта турмуш қуришнинг ол­дини олиш, қо­нуний никоҳдан ўтиш ҳам дол­зарб мавзу сифати­да тилга олин­ди. Бу борада МФЙ мас­ла­ҳатчи­ла­рининг фаоллигини яна­да оши­риш лозимлиги таъкидланди.

Тадбир якунида бир гуруҳ фаол аёллар хо­тин-қизлар қўмитаси­нинг ташаккур­но­ма­лари би­лан тақ­­дирланди.