Янгиликлар
01
AKSIYA DOIRASIDA ENG YOSHI ULUG' INSONNING TUG'ILISHI QAYD ETILDI
Navoiy viloyatida "Hech kim hujjatsiz qolmaydi" aksiyasi doirasida 94 yoshli Anorxon ayaga tug'ilganlik guvohnomasi topshirildi. Anorxon aya Nurota tumanining olis hududlaridan biri — Qizilcha qishlog'ida istiqomat qilmoqda.
Xatlov mobaynida 1930-yil 1-iyulda tug'ilgan Musurmonova Anor onaning shu kunga qadar tug'ilishi qayd etilmaganligi aniqlandi.
Adliya xodimlarining arizasiga asosan, fuqaroga nisbatan sud qarori asosida yuridik fakt belgilanib, tug'ilganlik guvohnomasi rasmiylashtirib berildi.
— Shu paytgacha onamning nafaqa pullarini olishga doim qiynalganmiz. Shaxsni tasdiqlovchi hujjati bo'lmagani uchun har oy nafaqa berilishidan avval mahalladan kelib rasmga tushirishib ketishardi. Bugun hujjatlarini qo'lga oldik. Endi mushkulimiz oson bo'ldi, — deydi, onaxonning qizlari Shakaroy Yuzboyeva.