Yangiliklar
Ўзбекистон Экологик ҳаракати Навоий ҳудудий бўлинмаси ҳамда Фуқаролик жамияти шаклланишини мониторинг қилиш мустақил институти Навоий ҳудудий бўлими ҳамкорлигида Кармана туман ҳокимлигида Ўзбекистон Республикаси давлат мустақиллигининг 25 йиллигига бағишлаб амалга ошириладиган “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остидаги бош ғоядан келиб чиқиб, “Мустақиллик йилларида экологик қонунчилик, тараққиёт ва юксалиш” мавзусида семинар ташкил этилди.
Республика Адлия вазирлиги ҳамда Навоий вилоят адлия бошқармаси ташаббуси билан 2016 йил 30 июнь куни Навоий вилоятида “Тадбиркорлик соҳасидаги ҳуқуқий ҳимоя ва имкониятларнинг янги босқичи – ҳаётимиз фаровонлиги кафолати” мавзуида семинар ташкил этилди.
Навоий вилоят Адлия бошқармаси томонидан Текширишларни рўйхатга олиш китобининг электрон шаклини юритиш, уни тўлдириш тартибларини вилоятда фаолият кўрсатаётган тадбиркорлик субъектларига тушунтиришга бағишланган семинар ўтказилди.
Навоий вилоят адлия бошқармаси томонидан Навоий шаҳридаги “Ёшлар маркази” биносида Адлия вазирлигининг масъул ходимлари, “ягона дарча” марказлари ва давлат хизматларини кўрсатувчи ташкилотлар масъул ходимлари иштирокида Адлия вазирлиги томонидан ишлаб чиқилган “Тадбиркорлик субъектларига “Ягона дарча” тамойили асосида давлат хизматларини кўрсатувчи ягона марказлар фаолиятини ташкил этиш ва улар орқали давлат хизматлари кўрсатишга оид” Қўлланманинг тақдимотини ўтказиш юзасидан амалий ўқув машғулоти бўлиб ўтди.
Ўзбекистон “Миллий тикланиш” демократик партияси Марказий Кенгаши ташаббуси билан ўтказилиб келанаётган “Донолик ва ташаббускорлик – сиёсий етакчилик мезони” республика кўрик-танловининг Навоий вилоят босқичи бўлиб ўтди.
Навоий шаҳридаги “Матбуот уйи”да “Давлат ҳокимияти ва бошқаруви органлари фаолиятининг очиқлиги тўғрисида”ги Ўзбекистон Республикаси Қонуни мазмун-моҳияти юзасидан оммавий ахборот воситалари вакиллари иштирокида матбуот анжумани ўтказилди.
Навоий шаҳридаги “Ёшлар маркази”да Республика Маънавият тарғибот маркази, Ўзбекистон Республикаси Бош прокуратураси, Ўзбекистон Республикаси Адлия вазирлиги, Ўзбекистон Республикаси Ички ишлар вазирлиги ҳамда Навоий вилоят ҳокимлиги билан ҳамкорликда “Аҳоли орасида ҳуқуқий онг ва ҳуқуқий маданиятни юксалтириш омиллари”мавзусида республика илмий-амалий конференцияси бўлиб ўтди.