Yangiliklar
Elektr, issiqlik energiyasi va gazdan foydalanishda qonunchilik talablarini bilasizmi?
Xalqaro e'tirof: Adliya vazirligi davlat boshqaruvi sohasida eng namunali vazirlik
Konimex tumanida adliya boshqarmasi boshlig‘i birinchi o'rinbosari Z.Farmanovning sayyor qabuli tashkil etildi.
Aytib o‘tish kerak, Konimex Navoiy viloyatning ko‘p millatli hududlaridan biri hisoblanadi.Bu yerda aholining asosiy qismini qaraqalpoq, qazoq va o‘zbek millatiga mansub fuqarolar tashkil etadi.Qabul davomida ham turli millat va soha vakillari bir qator masalalarda mas’ullarga yuzlanishdi.
Xususan, ish haqini undirish, nogironlikni belgilash, uy-joy ta’minoti, kadastr hujjatlarini rasmiylashtirish,bandlik, mehnat va oilaviy munosabatlar bilan bog‘liq bir qator masalalar e’tibor markazida bo‘ldi.
Dildora Izzatova tumandagi “Yuksalish” mahallasida istiqomat qiladi.Bir paytlar chet elga ishlashga ketgan turmush o‘rtog‘i chegaradan o‘tayotganda buyumlari qatori pasport hujjatlarini ham o‘g‘irlatgan.Shundan buyon oila boshi ishsiz. Ayolning 0,5 stavkadagi ish haqi evaziga qora qozon qaynab turibdi.Murojaat o‘z joyida o‘rganilib, fuqaroga avvalo, turmush o‘rtog‘ining shaxsini tasdiqlovchi hujjatlarni rasmiylashtirish bo‘yicha dastlabki harakatlar amalga oshirildi.
Sarvinoz Davlatova esa bugungi kunda yolg‘iz ona.Turmush o‘rtog‘ining vafotidan so‘ng yashash joyi bilan bog‘liq kadastr muammolari yechimida qator qiyinchiliklarga uchramoqda.Tadbir joyida fuqaroning masalasi tahlil etilgach, kadastr hujjatlarini to‘liq rasmiylashtirib berish uchun ayolga davlat xizmatlari ko‘rsatildi.
Ma’lumot uchun aytib o‘tish joiz, bugungi kunga qadar Konimex tuman adliya bo‘limiga 300 ga yaqin murojaatlar qabul qilindi. Ularning 87 foizi ijobiy qanoatlantirilib,qolganlari tegishliligiga ko‘ra davlat tashkilotlariga yo‘naltirilgan.Fuqarolarga 1000 dan ortiq davlat xizmatlari ko‘rsatildi.Shuningdek, tumanda joriy yilning shu davriga qadar 355 nikoh, 145ta ajrim, 38 ta o‘lim holati va 181 ta otalikni belgilash qayd etilgan.
Navoiy viloyatning eng olis hududlaridagi 11 ta ovul va qishloqlarda Davlat xizmatlari markazlarining filiallari faoliyati yo‘lga qo‘yilgan. Ayniqsa, Karmana tumani adliya bo‘limi Davlat xizmatlari markazining "Do‘rmаn" filiali orqali 6 ta qishloq aholisiga davlat xizmati ko‘rsatilmoqda. Mazkur hududdagi fuqarolar va tadbirkorlar filial faoliyatidan mamnun.
Haftaning bir kunida ko‘rsatilayotgan davlat xizmatiga aholidan kuniga 40 dan ortiq murojaat qabul qilinmoqda. Zamonaviy, yangidan barpo etilgan "Do‘rman" guzarida mahallaning uch mingdan ortiq aholisi va 300 dan ortiq tadbirkorlarining davlat xizmatiga bo‘lgan ehtiyojini qanoatlantirilmoqda. Xizmat mohiyati aholini bir hujjatni deb ovora qilmaslik, fuqarolarga qulaylik yaratishdan iborat.
Navoiy viloyat adliya boshqarmasi tomonidan joylarda saylov qonunchiligi yuzasidan targ‘ibot tadbirlari tashkil etilmoqda.Ana shunday tadbirlardan biri viloyat O‘zbekiston Respublikasi o‘simliklar karantini va himoyasi agentligi Navoiy viloyat boshqarmasida bo‘lib o‘tdi.
Aytib o‘tish kerak, joriy yilda “O‘zbekiston Respublikasining ayrim qonun hujjatlariga saylov va referendum o‘tkazish tartibini yanada takomillashtirishga qaratilgan o‘zgartirish va qo‘shimchalar kiritish to‘g‘risida” gi O‘zbekiston Respublikasining Konstitutsiyaviy qonuni loyihasi jamoatchilik muhokamasiga qo‘yildi. Qonun loyihasida saylov tizimini takomillashtirishga oid bir qancha yangiliklar bor. Xususan, Saylov kodeksiga hamda 7 ta qonunga o‘zgartirish va qo‘shimchalar kiritish nazarda tutilmoqda.
Bugungi kunda amalda bo‘lgan saylov qonunchiligimizga ko‘ra, siyosiy partiyalar har bir saylov okrugi bo‘yicha aniq nomzodni ilgari surishi hamda ularga okrugdagi saylovchilarning mutlaq ko‘pchiligi yoqlab ovoz bergan taqdirdagina deputat etib saylanishi belgilab qo‘yilgan. Jumladan, Qonunchilik palatasi deputatlari saylovini o‘tkazish uchun 150 ta hududiy saylov okruglari tuzilib, ularning har biridan bittadan deputat saylanadi.
Navoiy shahridagi “Bunyodkor” mahallasi hududida adliya boshqarmasi boshlig‘ining sayyor qabuli tashkil etildi.Qabulda sektor rahbarlari, huquqni muhofaza qiluvchi organ vakillari, davlat tashkilotlari mas’ullari ishtirok etdilar.
Muloqotda nainki “Bunyodkor” balki, qo‘shni mahalla fuqarolari ham qatnashib masalalari yuzasidan huquqiy tushuntirishlar olishdi.
Bunda ayniqsa, “Yoshlar daftari”ga kiritilgan, ijtimoiy himoyaga muhtoj, alohida nazoratda turgan yoshlar murojaatlari alohida tartibda o‘rganilib, ularning bandlik, tadbirkorlik faoliyatini boshlash uchun kredit olish, oliy ta’limga o‘qishga kirish va oilaviy munosabatlar yuzasidan muammolariga o‘z joyida yechim topildi.
“Bunyodkor” mahallasi fuqarosi Sitora Rajabova 24 yoshda. U ayni paytda yolg‘iz ona. Oilada iqtisodiy qiyinchiliklar borligi uchun ishga chiqishga majbur. Fuqaro 2 yoshli farzandini imtiyoz asosida maktabgacha ta’lim tashkilotiga joylashtirish va bandligini ta’minlashda amaliy ko‘mak so‘rab murojaat qildi.Mavjud vaziyat tahlil etilib, fuqaroning farzandi xususiy maktabgacha ta’lim tashkilotiga joylashtirilishi uchun yo‘llanma tayyorlanib, unga davlat xizmatlari ko‘rsatildi.Shundan so‘ng, o‘zi uchun ber nechta bo‘sh ish o‘rinlari taklif etildi.
“Yoshlar daftari” ga kiritilgan Zarif Kenjayev esa IT sohasida tahsil olayotgani va mazkur yo‘nalishda ish faoliyatini tashkil etish maqsadida zamonaviy kompyuter jamlanmasi olishda amaliy yordam so‘radi.Fuqaroning murojaati tegishli tartibda o‘rganilib, qonuniy qanoatlantirib berildi.
Bundan tashqari, qabulda nikohdan o‘tish istagida bo‘lgan yoshlarning arizalari onlayin qabul qilinib, shahar FHDY bo‘limiga ariza topshirgan yoshlarning nikoh guvohnomalari joyida topshirildi
Shuningdek,sayyor qabul jarayonida uy-joy ta’minoti, ta’lim, tadbirkorlik yo‘nalishlarida krediti olish, davolanish uchun pul mablag‘i olish, sud-huquq masalasi, uy-ta’miri, ishga joylashish kabi murojaatlari yuzasidan kerakli tavsiyalar berildi.
Kelib tushgan murojaatlarning aksariyati joyida hal qilinib, ayrimlari tegishliligiga ko‘ra yo‘naltirildi.
Bundan tashqari, qabul mobaynida mobil ofis orqali aholiga sayyor tartibda FHDY va davlat xizmatlari ham koʼrsatildi.