Yangiliklar

Zarafshon shahar adliya bo’limi tomonidan Zarafshon shahar 21 sonli davlat  maktabgacha ta'lim tashkilotida uchrasuv tashkil etilib, unda “Bepul huquqiy maslahat bilan har bir uyga” shiori ostida huquqiy aksiya tadbiri o’tkazildi.

Tadbir davomida, korrupsiyaga qarshi kurashish, aholini qiynab kelayotgan masalalar yuzasidan huquqiy tushuntirishlar, ariza va hujjatlarni tayyorlash hamda rasmiylashtirish bilan bog’liq masalalar,  mehnat qonunchiligidagi yangiliklar bo`yicha ham maslahatlar berildi, shuningdek,  “my.gov.uz”, “yurxizmat.uz”, “advice.uz” portallaridan foydalanish tartiblari tushuntirilib berildi.

Respublika ishchi guruhi Navoiy viloyatida  ishsiz va otaliqqa olingan yoshlarga bilan olib borilayotgan ishlar ko'lamini o'rganishmoqda.
Adliya vazirligi, Favqulodda vaziyatlar vazirligi hamda Yoshlar ishlari agentligi xodimlaridan iborat ishchi guruh vakillari dastlabki kunning o'zidayoq 5 ta tumanda olib borilgan ishlarni ko'zdan kechirishdi. Konimex tumani ana shunday hududlardan biri.Bu yerda bugungi kunda 15 ta mahalla faoliyat yuritmoqda. Aholi soni 38 ming nafar. Shundan 18400 nafarini yoshlar tashkil etadi. Hozirda tumanda 69 nafar yosh otaliqqa olingan. Ularning asosiy masalasi bandlik, yer-joy, imtiyozli shartlarda kredit olish va oliy ta'limga o'qishga kirish bilan bog'liq. Amalga oshirilgan ishlar bilan tanishish qatorida, hal etilmay qolgan masalalarga ishchi guruh vakillari tomonidan o'z joyida ijobiy yechim topilmoqda.
Ayni paytda o'rganish jarayonlari davom etmoqda.

Navoiy viloyati huquqni muhofaza qiluvchi organlari rahbarlarining ommaviy sayyor qabuli Nurota tumani A. Navoiy MFY hududida joylashgan markaziy bog‘da o‘tkazilmoqda.

Ayni kunda Nurota tumanida 31 ta mahalla mavjud. Mazkur ommaviy sayyor qabulda barcha mahallalardan o‘z murojaati bilan 200 nafardan ortiq fuqaro qatnashmoqda.

Sayyor qabulda huquqni muhofaza qiluvchi organlari qatorida Navoiy viloyat adliya boshqarmasi boshlig‘i o‘rinbosari ham tizim vakolatiga doir fuqaro murojaatlarini qabul qilmoqda.

Adliya organlari tomonidan joylarda korrupsiyaga qarshi kurashish bo‘yicha huquqiy targ‘ibot tadbirlari tashkil etib borilmoqda.
Navbatdagi muloqot tibbiyot sohasi vakillari o‘rtasida bo‘lib o‘tdi. Jarayonda O‘zbekiston Respublikasi Prezidentining 2025-yil 21-apreldagi “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida”gi qarori hamda “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi PF-71-son farmoni mazmun-mohiyati tushuntirildi.

Huquqiy savodxon bo‘lishning ildizi maktablarga borib taqaladi. Agar bolalarga huquq asoslari ularning o‘quvchilik davridanoq singdirilsa, jamiyatda huquqiy ongi yuksak fuqarolar shakllanadi. Bugun huquqiy manbalarning imkoniyati cheksiz.  Ijtimoiy tarmoqlar, huquqiy portallar bilan bir qatorda ta’lim jarayonlarida ham professional huquqshunoslar jalb etilmoqda.

"Madad" nodavlat notijorat tashkiloti vakillari ham bu borada faol. Ular yoshlar jamolariga  "Har bir yoshga huquqiy madad" aksiyasi orqali kirib bormoqda.  Mazkur jarayon Navoiy viloyatida ham qizg‘in tus olgan. Ana shunday tadbirlardan biri Navoiy shahridagi 22-umumta’lim maktabida bo‘lib o‘tdi.

Navbahor tumanida "O'zbekiston" mahallasi huquqiy mahalla doirasida o`quvchilarni bandligini ta’minlash hamda 2024/2025-o‘quv yili bitiruvchilarini ishga taqsimlash maqsadida “Karyera kuni” mehnat yarmarkasi tashkil etildi.

Unda 1330 nafar dan ortiq talaba qatnashdi. Jarayonda, shahar va tumanlardagi 153 ta tashkilot, muassasa va korxonalar ishtirok etdi. Ular tomonidan yarmarka ishtirokchilariga 181 ta bo‘sh ish o‘rinlari taklif etildi. Shuningdek, 18 nafar bitiruvchi yoshlarga ishga joylashishi uchun yo'llanmalar, 23 ta imtiyozli kreditlar olish uchun imkoniyat berildi.

O‘zbekiston Respublikasi Prezidentining 80-sonli Farmoniga ijrosi bo‘yicha adliya xodimlari olis manzillarda haftaning ikki kunida aholi murojaatlarini o‘rganib, ularga sayyor tartibda davlat xizmatlari ko‘rsatishi belgilangan. Farmon ijrosi yuzasidan Karmana tumani adliya bo‘limi Davlat xizmatlari markazi xodimlari hududning olis manzillaridan biri bo‘lgan "Yangihayot" mahallasida aholiga sayyor tartibda davlat xizmati ko‘rsatdilar.

G'azg'on shahrida adliya organlari tomonidan "Bepul huquqiy maslahat bilan har bir uyga" shiori ostida aholi murojaatlari o'rganildi.
Bugungi kunda G'azg'on shahrida 4 ta mahalla faoliyat yuritmoqda. "Huquqiy mahalla" loyihasi doirasida adliya organlari tomonidan huquqiy targ'ibot tadbirlari tashkil etib borilmoqda.Aholi murojaatlarini uyma-uy o'rganish masala mohiyatini chuqurroq va o'z joyida tahlil etish imkonini berayapti.
Navbatdagi muloqotlar jarayonida ham fuqarolarning uy-joy ta'miri, bandlik, moddiy yordam singari murojaatlari e'tibor markazida bo'ldi.

Navbahor tumani FHDY bo‘limida tashkil etrilgan “Farovon oila”  markazida O‘zbekiston Respublikasi Oila va xotin-qizlar qo‘mitasi raisi Zulayho Mahkamova, Adliya vaziri o‘rinbosari Nuʼmon Muxammadiyevlar tadbir jarayonida FHDY xodimlari va hamkor tashkilot vakillari tomonidan oila qurish arafasidagi maxsus kurslarda o'qitilgan yoshlarga sertifikatlar topshirdilar.

Ma’lumot o‘rnida Navoiy viloyatida 2024-yil davomida 7 ming nafardan ortiq yosh nikohlanuvchi “Yosh kelin-kuyovlar maktabi” o‘quv kursini yakunlaganlik bo‘yicha sertifikatga ega bo‘lgan. Shuningdek, viloyat FHDY organlari va hamkor tashkilotlar tomonidan 440 ta ajrim yoqasiga kelgan nizoli oilalarni yarashtirishgan.

Navbahor tuman adliya bo‘limi xodimlari tomonidan "Huquqiy targ'ibot kuni" tadbirlari doirasida  tumanning "Beshrabod", "Kelachi", "Sovungar" , "O`zbekiston" , "Oq oltin", "Armojon" MFYlarda aholisi o'rtasida mahalla binosida va uyma-uy yurish orqali targ‘ibot tadbirlari tashkil etildi. Tadbirda aholiga PQ-1-son qarori ijrosi yuzasidan mahalla aholisinining firibgarlik jinoyati qurboniga aylanishini oldini olish maqsadida "Mening mahallamda jinoyat bo'lmaydi" shiori ostida huquqiy tushuntirishlar berildi.

Tadbirda  “Og‘ir” toifadagi yoshlar bilan manzilli ishlash, ularning muammolarini aniqlash, jamiyatda yoshlar rolini oshirish, ma’naviy intellektual salohiyati va dunyoqarashini yuksaltirish, ularni milliy qadriyat va an’analarga hurmat ruhida tarbiyalash, yoshlarda vatanparvarlik, mardlik va jasurlik tuyg‘ularini shakllantirish, yoshlar oʻrtasida huquqbuzarlikni oldini olish yuzasidan tushuntirish berildi.